Asian Lab

我以往唔止一次用網上平台訂餐，第一次用網上平台 coupon(呢個本身就係我權利)埋單嘅時候餐廳就已經俾咗我一啲coupon，鼓勵我下次用，但幾款coupon提供嘅折扣都明顯唔及網上平台 coupon。之後我都懷疑餐廳唔鍾意我用網上平台 coupon，就索性封鎖咗我嘅網上平台户口，逼住我如果下次再幫襯呢間野就一定要walk in去食，比使用網上平台訂餐付出更多餐費。餐廳呢種過(網上平台)橋抽板嘅生意手法都唔好話唔過份，不如索性咪玩網上平台，無謂累人累物啦！影響埋網上平台食客嘅權益！網上平台可能都算係蠢，甘於俾餐廳用完即棄、一腳伸開，仲單單聲是非不分咁話餐廳封鎖人係餐廳嘅權利(餐廳打死都唔會承認自己係惡意封鎖人㗎啦，唔會授人把柄)……

我本身對味精敏感，幾次食完呢間餐廳啲野，我都覺得好口乾，懷疑佢都用咗若干味精！