flow oyster，真係可以食到回本。呢到環境靚靚每個角落都係打卡位，特別日子黎真係好岩，$488/90分鐘任食生蠔，仲有齊前菜，主菜同甜品，性價比高。
1
一嚟已經俾咗一打生蠔🤤🦪生蠔唔算好大隻，但海水味重，質地細嫩細膩，食多啲都唔覺得膩，每次會上一打!食唔切記得叫職員唔好上咁快，佢哋好大方見你食到差唔多就會俾多一盤生蠔你😆
前菜有三款，西班牙蕃茄麵包脆口，上面塗上蕃茄蓉、橄欖油同香草，口感清新食落有橄欖油香。白酒用上白酒、辣椒、洋蔥等等嘅香料烹調，🌶️更能突出海鮮嘅滋味。仲有吞拿魚他他，由三文魚粒粒拼成底部有牛油果醬，配上香脆麵包，強烈口感對比更加好食。
1
海鱸魚
肉質細膩柔軟，煮嘅火喉剛剛好，魚皮香脆肉質鮮嫩，加埋特製醬汁、蛋黃醬，越食越好味
西冷牛扒
揀咗rare，比想像還要好吃，用煙燻風味的烹調方法，所以食落會有少少炭火香。份量都可以大啖咬每一啖肉質軟熟，牛味香濃。
CREMA CATALANA
係西班牙嘅奶油布丁，入邊加咗酒，職員會即場點火，形成一層香脆嘅焦糖，食落奶香味十足，甜而不膩
BASQUE STYLE BURNT CHEESECAKE
巴斯克芝士蛋糕質感厚實，味道濃郁，仲配有藍莓醬，芝士香氣與酸酸甜甜藍莓醬混合😀
職員話原來仲有三吋高芝士蛋糕，店員會燒紅把刀，即場現切，厚切嘅芝士蛋糕配上藍莓醬及朱古力醬😆下次再嚟食啦
1
