重點推薦呢個超澎湃的“期間限定🍇巨峰日式刨冰”！一上枱已經震撼視覺，用料真心誇張，香甜味撲鼻而來！
✨ 巨峰日式刨冰 ~ 用日本進口刨冰機＋日本冰製成，口感細緻到似雪花❄️，入口即化！自家製巨峰醬超濃郁，酸甜平衡得剛剛好，唔會假甜! 自家製巨峰爆珠（一咬爆汁！）、巨峰果凍（Q彈清爽）、乳酪忌廉（奶香綿密）整體層次感滿分，葡萄控必點！
✨ 鮮芒果河粉 ~ 芒果肉超多, 香甜又多汁!「河粉」其實係滑溜椰汁糕皮，搭配芒果食超夾，口感好過癮！
✨ 百香果爆珠梳打 ~ 百香果酸甜開胃，底部爆珠咬開有驚喜，飲完成個人都refresh咗！
店面乾淨光猛，座位舒服，啱晒同朋友慢慢食糖水傾偈～
