中環干諾道中50號地下B號舖
今次專登嚟試6道菜二人晚餐，只需要699就可以試到由法國藍帶廚師主理嘅菜式！
餐廳嘅裝修都好優雅同舒服，空間感十足，唔會覺得好逼嘅感覺，好適合收工之後過嚟享用晚餐
1️⃣ 香草魚茸薯仔沙律配檸檬醬
魚茸好出色，味道好好味
配埋檸檬醬，真係好特別
檸檬醬令到成個沙律更加清新
唔會好似平時餐廳咁用油或者係醬
2️⃣ 澳洲M8和牛他他
又係一個好特別嘅前菜
入面有啲pickles，令到和牛有少少醜味
所以味道更得更豐富，仲唔會得啲肉味咁單調
和牛一啲都唔腥，仲好彈口
呢個真係驚喜，因為好有口感
3️⃣ 野菌忌廉湯
啲野菌打得好碎，但係完全唔會影響到味道
野菌味道好正，配合埋淡淡嘅忌廉
令到個味道更有層次
而最重要係煮得好順滑！
4️⃣ 低溫慢煮雞胸扁意麵配冬陰功醬汁
冬陰功味好足！一上枱就聞到，真係好正
作為冬陰功愛好者，真係覺得高質
佢酸得嚟亦有少少甜係入面
令到成個意粉好特別
而個雞胸好嫩滑，亦煮到入晒味
5️⃣ 新鮮龍蝦手打意大利闊麵
呢個係大推，仲有WOW!!!!
一上枱就超級香！而且係香到不得了！
佢仲煮到掛晒汁😍😍😍
個意粉食得出係手打，因為好彈口
而個龍蝦又係煮到好入味
一食就知唔係雪藏嘅，亦食得出好鮮甜
真心推薦呢一個，大家嚟到記住要試！
6️⃣ 紅館姜母鴨
佢有個姜母醬酸酸甜甜，配上鴨脾好夾
個鴨脾亦整到好脆，一切係聽到有聲😂
然後仲有好多肉汁係入面，一啲都唔乾
7️⃣ 法式香草焗蝸牛配薯茸
薯茸充滿牛油香，整得好順滑
蝸牛好大粒，入面充滿香草牛油味
主廚用好多香草同牛油一齊去焗
令到個蝸牛好入味
8️⃣ 芒果拿破崙
芒果好甜，而且拿破崙都好香脆
入面個醬唔會係好假嗰啲吉士醬
食得出佢係有心機去整嘅
9️⃣ 鮮果芝士撻
呢個芝士超級濃郁，而且好香
作為芝士愛好者，比佢好高分嘅👍
呢兩款甜品都食得出佢哋嘅用心同埋用料
結論:環境同食物都一流，價錢亦吸引👍
