大家樂 (翡翠明珠廣場)

营业中

休息中

大家樂呢d老牌子連鎖快餐，係人都知咩料，對於街坊黎講價錢算大眾化，但有時質素與廣告真係有d落差。先睇餐牌食咩好，個火鍋又幾過引，睇圖就唔錯，結果叫左x2x3兩個餐，一個牛一個豬，滿足哂三個願望。見到7蚊三粒丸咁抵食串魚蛋都唔止啦，仲要新鮮丸喎～咪試試囉，點知中伏，見下圖。吊！乜料，一堆唔知咩。好彩個鍋唔差，正常邊爐野，湯底有豬骨同牛尾。牛尾蕃茄湯較濃較甜，反而豬骨濃湯係清清地。個菜籃正常出品，有米線係底，唔驚唔飽。呢個丸又正常喎，唔似個三色丸咁，真係貪字得個貧。係個魚腐麻麻地，其他味道正常。脆既，正常魚皮，較薄身，明顯係某牌子既「魚之皮脆」。都係正常出品肉類，獨立包裝，算幾新鮮，唔鞋口，脂肪比例都可以既。總括來講，七十零蚊一個邊爐，自己買料係好食好多，但係要做一大輪呢，又洗又盛，家下比少少錢搞掂哂，食物都正常出品，過下引都唔錯。