有冇考慮過係咪真係好食或好飲？
定大家只係盲目去支持呢？
小妹以下都只係實話實說，
大家參考吓啦～No offense
去完沙田做嘢之後，
就諗住買個小食同飲杯肥仔水，
之前見到「九份茶舍」好多人幫襯，
咁啱見到佢冇乜人排隊，就諗住試下有幾巴閉啦～
碳焙烏龍珍珠鮮奶茶（$30）
珍珠可以揀黑糖珍珠或地瓜珍珠，
小妹就揀咗黑糖珍珠，
珍珠口感欠佳，唔彈牙不特止，
亦有幾粒唔夠熟，🤢
原本以為以碳焙烏龍做茶底嘅鮮奶茶茶味應該幾香濃，
但完全飲唔到茶香，連奶味都唔係好突出
成杯嘢飲只有甜味，
完全唔知自己飲緊乜？
三色仙草芋圓（$37）
芋圓份量不多，
口感唔算係好q彈，食落有一點兒硬，
食唔出芋圓係地瓜定芋頭味？
仙草佔左四分三，清涼嫩滑，
配搭香甜紅豆，算係加返唔少分數。
