餐廳收費頗貴，冇水供應。椰青都有都要$98。食物質素屬於正常，主要係食環境同風味。
烤雞凱撒沙律：烤雞係印度烤雞香料嗰種味道。沙律撈埋烤雞一齊，就會多咗一陣淡淡印度香料嘅味道，但唔算overpower，整體味道okay。
芝士烤餅，蒜蓉烤餅：烤餅應該係全晚最好食嘅食物。個餅皮烤得又鬆柔軟。芝士味係鬆軟嘅外皮中間夾住煙靭嘅芝士，就算唔使點咖喱汁都已經非常好味。蒜蓉味就覺得可以再濃烈啲，但係都算香口。
👌🏼和牛沙嗲：唔係好食到和牛嘅感覺，不過牛肉都幾嫩滑，撈埋沙嗲醬都惹味。Overall牛肉質地好過平時一般嘅質素，但係又未至於真係和牛果種嫩滑或者油甘香味。
紅咖喱荔枝烤鴨 - 味道溫和香甜唔辣，鴨肉份量ok, 好味。
❌
蒜椒炒雞：點嗰陣以為係烤雞或炒雞，嚟到先知係炸雞塊。炸得唔掂，得個皮冇咩肉。唔推介。
👌🏼豬頸肉：正常水平。
環境： ★★★★★
食物： ★★★★☆
性價比： ★★☆☆☆
推介度： ★★★☆☆
