KABOOM

呢間bar & restaurant喺太子大廈頂樓連天台，兩層都可以睇到維港景色，咁啱去食嘅時候仲幻彩泳香江緊，係幾靚。入面裝修簡約雅緻，燈光暗暗哋幾有情調，坐得又舒服。最啱放工同班friend黎飲番杯，chill下咁。【泰式龍蝦汁意粉】 龍蝦尾幾新鮮，夠彈牙。個汁唔會太漏，蒜香味幾出，加埋西蘭花同粟米芯，整體調味幾清爽。【叁巴醬烤黑鱈魚】 擺放喺葉子上嘅黑鱈魚，貌相精緻，魚肉非常滑溜，叁巴醬好香口，辣辣哋幾開胃。另外落咗酸奶醬，食落無咁膩。 【叁巴炒蜆】 蜆肉肥美，個汁蒜香味濃，少少辣好送酒。【避風塘魷魚】 魷魚夠彈牙，加咗啲辣肉腸一齊炒，調味有點像港式避風塘口味，香口惹味。【飲品】 •「Damn Pissed Off!」- 熱情果味幾出，帶少少薑嘅辛辣，飲落幾清新，酒味濃郁，以迷你浴缸🛁代替酒杯，打卡一流。 •「Tonight Is Gonna Be A Good Night!」- 甜甜哋易入口，帶點接骨木花香氣，女仔應該會鍾意。