蘇山雞飯

营业中

休息中

前排去完新加坡，有d掛住獅城既美食，所以約朋友去食新加坡菜。餐廳裝潢帶有南洋風格，坐低傾計都舒服。我地各點咗一個餐同一款小食，再加一杯特飲。獅城芽菜走地雞飯揀咗跟油飯，跟餐送既冬瓜雞雜湯清甜解熱。碟雞本身去咗骨，雞肉鮮嫩多汁，口感滑順，配埋特製的醬油，充滿南洋風味。海南豬扒咖喱飯既豬扒外酥內嫩，薯仔亦好入味，用埋咖喱汁撈飯，好快就清哂成碗飯。至於小食，夜市沙嗲串有雞肉同牛肉各兩串，牛肉串幾厚身，咬落唔嚡口雞翼係3隻雞全翼，每隻都大大隻，而且皮脆肉多汁，食落好滿足。飲品分別係凍恐龍美祿同開心果椰子奶昔，後者椰子味香濃，飲落好清新。