所以就兩晚放假去幫襯是否屬實！
當然此篇文章屬個人口味！大家唔好見怪！
第一日去食 咸魚煎肉餅拼豬扒飯 加例湯 及 凍奶茶
先講奶茶水準幾好
例湯都好正
咸魚煎肉餅拼豬扒飯 就係失敗之作！
先講咸魚煎肉餅，食入口已經知道係翻煎再翻煎！
d肉係乾，完全冇汁，咸魚味道完全食唔出
再仔細睇睇肉餅內有冇咸魚粒，sorry!
完全搵唔到半粒碎咸魚...0分，完全唔掂
再講塊豬扒...醃得太勁，完全失去豬扒彈性口感
我只係覺得自己食梗一塊冇骨既豬肉！
一塊有咸味既豬肉，送飯還可以！
但稱為豬扒就唔適合，用筷子一夾就散
幸好飯旁有薑蓉點綴，才能夠食得哂d飯
第二晚
小弟點左個咖哩豬扒飯(小辣）
湯同奶茶唔評論了
先講咖哩汁（小辣）
需知道秘製咖哩可以五花八門！各人有各口味！有人會覺得此舖咖哩汁好食，有人覺得唔好食
小弟就覺得好難食，小辣完全冇味，食落似葡汁！
最慘係見到紅蘿蔔擺底..即刻冇胃口，可能其他師兄覺得冇所謂，但我個人接受唔到！再講塊豬扒
同之前果塊一樣...再配埋咖哩汁！成餐飯我食左4分1投降了，想嘔
或者我口味真係與眾不同，咁多人讚佢口味！
但小弟唔識欣賞....sorry
