古今

营业中

休息中

香港有唔少人餐廳，呢間主打特色卷物。其一人氣之選有「黑龍卷」，包含鰻魚、炸蟹柳、芝士同牛油果，「蜘蛛」係炸軟殼蟹、青瓜、牛油果同蟹柳、「午夜牛郎」就有三文魚、牛油果同芝士。三款擺盤精緻，超級打卡able，餡料十足，而且都有牛油果，整體調味唔算好濃，反而食到食材嘅天然味道，加上飯比平時多，一份都幾飽肚㗎。龍捲風沙律亦係招牌菜之一，基本上每枱都有點，混合蟹柳、中華沙律、沙律菜，清新，開胃，解膩，作為前菜最適合不過。小食方面有牛舌，燒得啱啱好，幾厚身，啖啖肉，牛味香、燒菠蘿咬落Juicy，飯前飯後食都OK。整體食物質素唔錯，價格親民，地點方便，不過上枱速度較慢，除此之外都值得一試。