一上枱就聞到超香牛骨湯味！爽腩份量唔少，肥瘦適中，咬落真係「爽」得嚟又唔韌，仲好入味！
個湯底飲得出係熬咗好耐，濃得嚟唔會死鹹，飲完個喉嚨仲係好舒服。麵質爽口，掛湯力一流，如果鍾意食牛嘅朋友，呢碗必叫！
蝦籽鮮蝦雲吞撈麵 $60
撈麵表面灑滿金黃蝦子，一撈勻就香到暈！雲吞大大粒，入面嘅鮮蝦咬落彈牙又鮮甜。
竹昇麵底做得唔錯，乾身又夠韌，食到最後一啖都唔會膩。呢個價錢抵食！
脆炸鮮蝦雲吞 $46
即叫即炸，上枱仲熱辣辣！外皮脆到「索索聲」，入面蝦肉飽滿，點埋酸甜醬真係無得頂。每粒都炸得金黃酥脆，食落又唔會油淋淋，做小食一流！
蜆蚧鯪魚球(6粒) $53
鯪魚球炸得外脆內軟，魚肉鮮味十足，一啲都唔腥！蜆蚧醬鹹香帶鮮，同鯪魚球真係好夾！
凍檸檬紅茶 跟餐+$10
Coke Zero 跟餐+$9
