爭鮮迴轉壽司 (沙田中心)

沙田最近開左間爭鮮，有部分新菜單可以QR code落單，之後再喺運輸帶送過嚟，嘢食多咗選擇

雙重芝士炸蝦卷🌟🌟🌟
食得出個炸蝦係即炸，好香口，飯都係偏大舊，不過有芝士包住個蝦卷，整體味道係唔錯

椒鹽蒜蓉豆腐🌟🌟🌟🌟
呢個亦係新品入面最推薦嘅嘢食💜個豆腐係即炸嘅，配搭埋面嗰層椒鹽，好香口

檸檬焦糖芝士蛋糕🌟🌟🌟🌟
芝士蛋糕唔太甜，面頭嘅檸檬加埋燒焦咗嘅焦糖，好match，塊檸檬又幾好食，令到成個蛋糕更加清新

蟹黃撈麵🌟🌟
嚟到嘅時候個麵底已經有啲水，唔似撈麵。蟹黃亦都唔係好掛麵，食落嘅時候就係蟹黃還蟹黃，麵還麵咁

雙重芝士炸蝦卷，椒鹽蒜蓉豆腐，檸檬焦糖芝士蛋糕，蟹黃撈麵

$100