英皇戲院小食部

戲院開返梗係要入去戲院睇戲🎬
支持下香港電影業啦.
平時每個月都最少入1-2次戲院.
戲院雖然開返但冇得食嘢始終都係爭啲.
好開心6月開返終於可以邊睇戲邊食野啦.
今次係英皇小食部買左爆谷同生啤!

爆谷講真唔好食.我揀咗焦糖味爆谷.
但係d爆谷冇咩焦糖味.好淡.
有7成既爆谷都係白雪雪.無味.而且開始唔脆.
我買嘅時候店員係即時攞一包包好咗嘅爆谷俾我.
唔係即時俾啱啱整好熱辣辣嘅爆谷俾我.
所以有機會放咗好耐.都有d失望😞
生啤就正常夠凍既!!
價錢方面就一定唔會平㗎喇.
始終喺戲院嘅小賣部都預咗.
生啤加爆谷$130