發記海鮮酒家

营业中

休息中

突發海鮮癮起，即興跟車手好友到貝袋澳食海鮮。發記是首選，因水準穩定，價錢合理。海鮮水缸，顧客自選，即買即煮，終極新鮮！豉椒蟶子炒腸粉蟶子鮮甜，去殼炒夠入味，腸粉吸滿了蟶子及料頭的味道，好好食😋！豉椒炒蜆，蜆隻肥美鮮甜，一口一隻，爽！椒鹽鮮魷，炸漿夠脆，魷魚🦑新鮮嫩口零韌度，佐酒一流！蒜蓉粉絲蒸扇貝，扇貝火喉剛剛好，熟透零韌度，粉絲吸滿了蒜蓉及扇貝精華，非常出色的伴菜。鹽焗醃仔蟹醃仔蟹肥美爆膏，好食到一個點！😋😋😋😋花蟹燴伊麵，花蟹薄殼肉厚，伊麵爽滑滿汁，好食！椒絲腐乳生菜🥬，青菜少不了，腐乳惹味，家常的好味道。