久仰大名，今次行完西灣炮台晨運徑有啲肚餓，落返筲箕灣去東大街搵野食。
三點幾下午茶時間，又唔可以食太heavy，經過一間芋圓甜品店好想食但友人話再搵下有冇其他野食先。行到一半，就見到聞名已久嘅「呂仔記」！！！！即刻指住佢要食佢個魚肉燒賣！
佢店面好大，唔止燒賣，仲有糖水、車仔麵食。有得揀企喺度食或者坐入面食，我地行完山有啲攰就梗係入去坐。
店面無咩好影，睇下啲燒賣啦！
2
1
有啲貴，不過全部都好大粒！重點係自家製，用黃鱔啲魚肉自己整，所以啲魚肉好甜，自己搓魚肉好彈牙！
唔好將佢同出面賣嘅麵粉燒賣比較，因為真係無得比😆
另外佢個辣椒油都係好值得推介！無落豆瓣醬，係用辣椒🌶️自己炒，唔太辣好香🤤
間唔中食一次係值得嘅
搓魚肉同整燒賣都好多工夫啊
提提大家，佢係隔個星期一休息
小心摸門釘啊
