個湯底真係無得頂！ 一上枱已經聞到好香嘅椰子味，清甜得嚟帶住一陣好獨特嘅草本香氣，就係鹿角靈芝嘅味道，唔苦喎，反而令成個湯感覺好滋補。未落料之前，我同班朋友已經每人隊咗兩、三碗湯！真係誇張，清甜潤喉，飲完成個身暖笠笠，個喉嚨好舒服，打邊爐打得多都唔怕燥底啦！
海鮮水產拼盤夠晒豪華！ 有齊生猛海蝦、爽脆鮑魚、同埋蠔仔等等，樣樣都睇得出好新鮮。最正係將啲海鮮淥熟之後，除咗本身嘅鮮味，仲索咗啲靈芝椰子湯嘅精華，食落個味道更加有層次，鮮甜到不得了！
如果你想打個養生靚邊爐，又想食高質海鮮，鹿鼎薈呢個組合絕對係首選！個靈芝椰子湯底真係畫龍點睛，好飲到呢……保證你未打邊爐已經飲飽半成肚！
1
