味火鍋 (華僑商業中心)

今個禮拜放假，同屋企人去咗旺角食放題打邊爐，佢哋對潮汕牛肉情有獨鍾，所以專登揀咗呢間「味火鍋」打邊爐，因為佢哋呢度有四款潮汕牛肉任叫任食～平日晚上七點上到嚟已經坐無虛席、好在我哋有book位，店員好快都安排咗我哋入座，我哋首先揀咗湯底要咗鴛鴦鍋，川芎白芷天麻魚頭鍋＆胡椒豬肚雞鍋，湯底一黎到已經聞到好香，好足料，打邊爐前梗係飲返兩碗湯先啦！火鍋配料都好精彩，自家製黃金脆魚皮，自家製椒鹽粟米，四款潮汕牛肉吊龍、五花趾、匙仁、胸油肉，伊比利亞黑豚肉，時令海鮮，大大隻鮑魚，海蝦、自家製手工餃，自家製炸響鈴，自家製炸餐肉、仲有其他數十款火鍋配料，啤酒、汽水無限時任飲任食！勁豐富，超滿足呀！