梅之味 (麗都大廈) (已結業)

黎間餐廳位處於灣仔蘭杜街， 位置相當隱蔽，因為喺內街入面。見門面都幾光猛，同埋好耐冇食台灣菜，就同朋友入去試下。:)

我地入座既時間係星期日7：30，有幾枱客坐係度，店員有兩個，應該一個係員工，另一個收錢既應該係老闆。我地最後選佐純4人卡位黎坐。坐位都算幾闊落，兩個人坐絕對綽綽有餘。

再講下食物質素。我地叫佐一個2人set，有兩個飯，3個餸，兩杯野飲。

(1) 花枝丸
花枝丸用佐好多魷魚，差唔多啖啖都係魷魚黎。食得出用佐回椒粉去掩，回椒味配上充滿咬牙既魷魚好和味。

花枝丸

(2)三杯雞
雞最緊要林身，呢個三杯雞既雞既肉質嫩滑，唔會煮得硬，值得一讚！
唯一可以改善既就係好多姜，有時候以為係雞點知係姜黎。不過啲姜放入口都唔難食。😂

三杯雞

(3) 蒜蓉時蔬
椰菜要炒得好食同係咁容易，佢地用佐好多油去炒，入口時淡淡油香，令平平無奇既椰菜昇華。唔介意多油既先好叫呀！

1

蒜蓉時蔬

(4) 柚子蜜
同出面餐廳既柚子蜜一樣咁好飲，飲到最後，連柚子肉都食埋。

柚子蜜

最後埋單 248蚊，每人都係124蚊，都算抵食！