喇沙嘅湯頭同平日喺其他餐廳食開嘅喇沙好唔同！首先顏色上係偏深紅色，飲落蝦味偏濃同帶有咖喱香味，椰奶味就唔算好重。額外仲會跟配桔仔同叁巴醬俾客人根據自己喜好調味，辣醬都幾有風味，如果落晒啲辣醬落個湯度都幾辣🥵 另外因為佢麵底係用米粉，所以每一條麵都好掛汁會比較濃味，但食完又唔會覺得口渴，可能因為佢哋真係冇落味精👍🏻
甜品我哋試咗ABC珍多冰 ($48)，上面啲配料都幾多，有珍多粒、紅豆、涼粉、粟米同椰果，但下面啲係成舊冰咁上要我哋自己整返碎啲冰😅 同埋啲粟米粒食到有啲罐頭粟米嘅鹹味😕
我係星期六晚去，可能因為full house再加上得兩位店員，所以上菜速度都有啲慢，有好多客人包括我哋都要催單。舖頭比想像中細，如果唔想排隊嘅話就可以早啲去或者網上訂位先～
