等位：平日十二點半嚟，都算滿座。 不過唔使等太耐就入到去喇。
環境：同一般連鎖餐廳一樣，寬敞明亮乾淨。
食物：
佢有好多選擇，連主食你都可以唔揀飯或者拉麵。可以揀蔬菜粒粒。
咁佢係白咖哩公司，我就叫咗個白咖哩拉麵配炸豬扒。
白咖哩味道都甜口嘅，麵質唔算淋。感覺就同平時喺沙嗲王食到嘅麵一樣。
但係我反而好驚訝佢個炸豬扒，非常之鬆軟。 有少少去到日式厚切吉列豬扒嗰種味道。
我都有懷疑個係咪用鬆肉粉嘅，始終幾鬆軟都好，應該都有返啲豬肉嘅煙韌度。
但本人感覺覺得都ok，係食得開心嘅，都冇感覺到工業味嘅。
總結：都算唔錯，白咖哩冇印象，但炸豬扒好食。
