小菜供應時間由早上11點至晚上11點，餐牌好吸引，好多款式，有豬、牛、雞、海鮮小炒及煲仔，應有盡有，最正嘅就係每碟小菜送一罐指定啤酒，啱哂我哋呀🤩。
鮑魚滑雞煲$178
煲上熱辣辣，香氣四溢，份量唔惹少，鮑魚厚肉大隻，口感軟腍滑溜亦不失口感，濃郁味鮮；選用文昌雞，皮薄肉嫩，口感Q彈，雞味濃郁，以青紅椒、洋蔥、薑、蔥等爆炒，惹味又滋味😋。
🥢爆炒香辣海蝦$158
炒得非常有鑊氣，海蝦鮮甜爽彈，少少辣，相信大人細路都能接受，餸酒下飯都好正👍，轉餐加$12，有白飯及湯/餐飲。
另外，每日11：00至18：00星期一至日都有供應10款不同款式嘅午餐，星期日有我喜歡嘅黃豆醬蒸鯇魚腩$64，包中湯/西湯及餐茶。
🥢黃豆醬蒸鯇魚腩：鯇魚腩新鮮嫩滑，除咗鹹香黃豆醬之外，再加埋薑絲及蔥花，仲有鹹度適中嘅豉油，令魚嘅鮮味倍增。
粉葛湯：完全唔係例湯咁簡單，湯頭濃郁又足料。☕️
熱檸茶：有湯仲包埋餐茶，你都咪話唔抵👍。
