雪山冰廳

营业中

休息中

雪山冰廳已經好耐歷史，但係好耐歷史唔代表唔好食，相反，呢度既菜式都幾多元化，除左最傳統港式茶餐廳既菜式之外，仲有漢堡、喇沙、咖喱、酸菜魚呢啲食，而且係都係好食既！好難得🤩好想瘋狂黎呢度食，食曬佢menu啲嘢食！  1⃣️始祖椒鹽豬扒飯（炒底）（$62）勁邪惡呢個😍首先炒飯底啲飯炒得粒粒分明，有蒜香味，仲有啲辣椒粒炒埋一齊，勁惹味🤤然後豬扒大大件，有椒鹽香，成碟飯真係夠曬重口味好正👍  2⃣️檳城叻沙摻摻（$58）呢個係特餐黎，仲有跟櫻花蝦炒蛋同埋丹麥多士。蛋炒得幾滑，有好多櫻花蝦係上面😋然後丹麥多士超香牛油味，烘得夠脆。摻摻係油麵溝米粉，兩種唔同既口感。湯底重椰香味，望落好似好紅咁，但係食落唔算辣，配料好多，有魚片、豆卜、蝦🦐成個餐好抵食！