小妹正係其中一人，因為住得比較近，所以經常留流連 openground，一黎比佢嘅勁簡工業風和水泥裝潢吸引，成個空間只有淺灰白色，同埋一啲綠色植物，好乎合自己心目中鐘意嘅室內設計；二黎有時佢會搞啲文藝展覽，多數關於設計，都幾特別，可以支持下；三黎佢會販賣一啲好精緻嘅咖啡用具同埋設計書、雜誌等等，真係用心去推廣設計文化，呢種認真態度好難得！
佢最大一個賣點就係歡迎學生、自由工作者去享用佢地空間，買一杯咖啡或者小食就可以坐低慢慢用電腦做野，有晒叉電位，又可以自己斟水，成個環境好適合一個人專注做野，所以我都黎咗好多次，每次都好有效率，適合想尋找舒適工作枱嘅你！
成個環境好隨意自然，自己搵咗位後就點餐，咖啡師整好會大嗌你杯野食，再自己出去拎。我試過幾款咖啡都好中意，唯獨有一樣野希望佢地改善，就係熱飲唔好用薄身嘅玻璃杯，因為野飲要自己拎，有時好熱。
☕ hot black $30
☕ hot white $38
咖啡整體都好飲，齋啡豆味突出，奶啡有層次，幾滑身！
🍵 hot tea latte $38
🍰 豆腐芝麻芝士蛋糕 $45
呢款「雲石」蛋糕賣相已經不得了，將豆腐同芝麻mix得好smooth，個低係oreo再芝麻粒餅底，係seasonal的，想再食就要等下！🤤
