今次已經唔係第一次個湯底淡到好似水咁，我食開所以一打開個蓋睇顏色同埋聞到味道唔同就已經知出事，好明顯就係溝咗水，係淡到連鹹味都冇，如果夜咗唔夠湯可以打電話俾客人問可唔可以轉其他湯，但係呢個湯已經係要加錢先至可以有，仲要溝水賣俾人，實在唔應該
今次亦都唔係第一次啲米線碎濕濕，沒有一條米線喺完整嘅長度，我係要用匙羹嚟食，唔夠米線，亦都可以打電話俾客人問可唔可以轉其他麵，而唔係比用剩碎咗濕濕嘅米線客人，有幾次啲米線又唔熟，硬到食唔到
所以先至忍唔住表達一下意見，希望老細可以改善一下，注意一下
素食店係難得，亦感恩荃灣區有你哋嘅存在，但亦都請確保品質，始終碗麵要百令蚊，請給予質素
