今日同朋友嚟食海底撈•宴聚，餐廳分兩層，一層係卡座，另一層係包間。卡座一層位置不算多，所以每個卡座位置寬敞，私隱度比較高，所以好啱家庭聚會。
我地係平日12點前嚟食，未到午飯時間，所以都冇乜嘢人。
呢間鋪頭一樣有醬料區、生果同小食可以任食。
我地點咗「牛氣甄選2–3人午市套餐」，湯底揀番茄＋清水，番茄湯底鮮甜濃郁，就咁飲已經好好味。點清水都係海底撈特別嘅地方，點嚟試一試網上流傳用醬料區醬料嘅自製湯底配方。
我地試一個簡單嘅牛肉壽喜燒湯底，值得一讚係我哋跟網上配方汁醬料嘅時候發現有啲醬料， 原來醬料區係冇嘅，店員主動幫手問我地有咩需要，幫我地向廚房拎，服務一流。仲有係番茄湯底到時候，主動為我地調配番茄牛肉湯，真係幾好飲，番茄味濃郁，加上蔥花、牛肉粒同芹菜粒，有少少牛肉味及蔬菜嘅鮮味。
講返套餐，真係好豐富：
牛肚同火鍋牛肉片、豬紅、豆皮、油麥菜、娃娃菜同金針菇同炸饅頭
店員表示有三款不同嘅牛肉，但我地比較分得出兩款一款比較嫩滑，一款肉味比較濃。個人比較喜歡放落自製湯底入面，甜甜既醬油湯底同牛肉比較搭配，當然番茄湯底都好食。
牛肚爽脆放落壽喜燒或番茄都啱
豬紅份量多，嫩滑無腥味。
菜同金針菇都新鮮，分量都多。而豆皮的話，分量大到最後既撈麵都有少少食唔到，推薦豆皮放入比較濃味既湯底，例如番茄湯底就好好食。
自家撈麵食落幾滑同頗有麵既勁度，幾好食。
炸饅頭係我最中意既，一口一個，分量多，炸到外脆內軟，推薦
飲品方面，套餐包咗酸梅湯同柑橘檸檬兩款飲品任飲，店員仲好貼心問要唔要飲凍既，幫我地換杯加冰整凍飲
至於小食吧方面，當日有西瓜、甜棗、涼拌杏鮑菇、泡椒魚皮同雪耳糖水，全部唔錯幾好食。
今次既體驗好好，服務保持到海底撈水準不論加湯、換碟、準備髮圈及啱啱提及嘅貼心服務，亦肯因客人需求彈性處理。環境整潔，抽風好，食完無油煙味，洗手間亦貼心準備漱口水等用品，以私隱度＋客製體驗，性價比唔錯。會再訪。
