阿來泰式地道風味

旺角先達隔離有一間長年屹立不倒嘅泰式餐廳，唔單止味道還原泰國風情，性價比仲超值！

黎泰式餐廳一定要叫冬陰功湯！酸辣味道過癮，泰式香料增添滿滿風情，撈底有勁多鮮蝦同菇！

豬頸肉炒椰菜苗
另一鍾意呢間餐廳嘅原因，就係份量好慷慨。豬頸肉比得好充足！更加唔係薄薄嘅一片，有厚度，入口有嚼勁。椰菜苗脆身鮮甜，有鑊氣

呢度嘅蒜蓉牛油雞翼，做法有啲唔同。無炸粉，係半煎炸形式處理。除咗牛油仲加入咗爆香咗嘅蒜蔥配料，味道更有層次

炒金邊粉
金邊粉最重要都係要有鑊氣，同埋有彈牙口感，呢兩點都成功做出！仲有彈牙大蝦添

蒜蓉包都獲得我哋一致好評！烘到脆卜卜、蒜蓉味又夠濃。