嗱，話說果晚經過油麻地搵食，肚好餓🙈，見到附近有間【泰樂小排檔】～環境乾淨企理，裝潢行足泰式街頭風，燈光暖暖地好有氣氛，感覺好似去左泰國夜市咁。心諗今晚就黎個泰式風味之夜啦～
.
泰式炸蝦餅 $68 🍤💛
第一道就叫左呢個泰式炸蝦餅～一上枱香氣即刻撲鼻，蝦餅外層香脆，咬落去好彈牙，蝦味好鮮甜🤤，配埋泰式甜酸醬，酸酸甜甜好夾，令蝦餅更加惹味～食到停吾到口
.
泰式乾炒牛河（雞） $78 🍜🔥
呢份乾炒牛河真係有驚喜！炒得好乾身，完全冇油淋淋既感覺，鑊氣香超搶眼～材料好豐富，有蛋花、紅蘿蔔片、青菜，全部炒得好入味。用既係泰國河粉，比平時港式河粉寬身，口感柔軟又有彈性，舊舊都掛滿蛋香同醬汁，好有泰式街頭feel😋。
.
菠蘿雞粒炒飯 $78 🍍🍚
炒飯個香味真係冇得輸！粒粒分明，炒到金黃香噴噴～入面材料超足：青豆、粟米粒、乾葡萄、雞粒、臘腸全部齊晒，口感豐富～特別係面頭仲灑上腰果同肉鬆，多左香脆同鹹香層次，每一啖都好滿足🥰。
.
飲品：泰式奶茶 $28 🧋、泰式椰汁珍多冰 $28 🥥🌿
泰式奶茶顏色好靚仔，飲落香滑帶茶味，甜度岩岩好～配炒飯或者辣味菜好解辣；至於椰汁珍多冰，椰香味濃郁，入面有珍多等材料，冰凍又清爽，好適合夏天歎返杯❄️。
-
