RUD燒肉 (淘大商場3期)

燒肉汁都算係平民日式燒肉嘅靈魂，呢間店連個燒肉汁都好講究，唔會比到客人食到原汁原味來貨、甜甜地好送肉送飯嘅燒肉汁，而係特意嚟個溝稀咗少少再加重鹽嘅特色版比客人，只要點少少就可以有勁鹹嘅感覺，咁客人就可以點少啲、健康啲，又或者直情好似我咁鹹到唔想點唔使再消耗佢更多燒肉汁，呀唔係，應該係叫鹹肉汁先啱。

好多人都話而家巿道唔好食肆少咗人幫襯，呢間店諗到呢個方法減低醬料消耗量賺多啲錢，又可以令到客人更加健康，真心抵讚！👍

Hey，唔點燒肉汁就改點檸檬薑汁啦，始終平民燒肉啲肉都唔係靚肉，要點吓醬料調吓味，呢個檸檬汁又正常ok都幾好味喎，希望第時唔會又被target被改造啦。

順帶一提，如果呢間店嘅自製密封膠瓶裝飲品可以學隔離chicken factory咁用擰樽蓋膠樽裝，而唔係用而家嘅汽水揭蓋掩膠瓶裝，咁就可以方便客人飲唔晒拎走，不過呢個提議係方便客人，唔知店方會唔會肯改包裝喇。