一定係先食日本A4黑毛和牛，雪花勁靚，薄切到透光但油花密過蜘蛛網，3秒即食，入口即溶！輕鬆人頭一碟，忍唔住舉手encore多輪！
伊比利亞黑毛豬梅肉有驚喜～大理石紋油花均勻，咬落帶果木香完全冇豬膻味，蘸少少柚子醬油就更突出肉甜味！
任食鮮鮑魚，煮5分鐘就食到彈牙口感，夠鮮甜！
黎牛大人一定唔少得佢啲夜市小食，次次都有驚喜！蝦蝦霸霸脆多士～炸到金黃脆口，咬落鮮甜蝦汁爆出！ 日本和牛橘梨伴豆腐～冰涼豆腐加埋秘製醬汁，清新果香完美平衡和牛油脂～ 超岩夏天！
烏金墨汁手作腸，墨魚汁腸衣脆卜卜，肉味香濃，配埋蒜頭食勁正！三和夜市雞皮卷，包住香菇餡炸到酥脆，邪惡到犯規。海苔鹽酥雞，滿滿海苔粉香口到停唔到。滷味五香雞胗非常入味，送酒一流！
🍹 解膩神器芒檸蜜西米爽～酸甜清爽即刻化解火鍋膩感！酒鬼必試 港式檸檬茶18+ ！檸檬茶變酒，玩味十足～飲落茶澀香帶酒勁，打邊爐飲超爽！
🍧 完美收尾甜品，除左Häagen-Dazs雪條，dryers開心果雪條回晒本！仲有蜜桃愛玉冰，愛玉凍滑，蜜桃糖水甜而不膩，食完火鍋嚟一碗透心涼～
