小漁兒酸菜魚米線

营业中

休息中

今日同朋友去咗新蒲崗搵好嘢食，我突然間好想食酸菜魚，行過見到呢度有得食，於是我哋就入咗嚟食。入面地方尚算大，座位都幾舒適，呢度係用QR code 落單，簡單快捷。我叫咗個招牌酸菜魚米線（小辣） $65朋友叫咗酸辣豬頸肉米線（中辣） $50兩碗個湯底都好濃郁，酸辣度視乎揀咩難度，我同朋友都覺得啱口味，配料十分豐富，魚片肉質爽滑，豬頸肉口感鮮嫩且帶有嚼勁同埋肥而不膩，米線軟硬度適中。一口湯，一口魚片或米線，食落非常滿足。整體嚟講都幾好食，價錢又合適，下次都會再嚟食。