翠華餐廳

翠華

今日享用左一個貼心的午餐。唔洗等位，叫左個雞扒意粉餐。

好快個雞扒餐就送到面前，賣相非常非常好，皮脆，切開有煙出，熱辣辣既，食左一啖，發現騷爆，騷味太強烈喇，比羊肉更利害，真的吃不下去。然後告訴職員後全程服務都好好態度同語氣，立即幫我取消再介紹另一個餐，仲換過哂餐具同餐巾，絕對有5星酒店服務。雖然係一件小事，但對食客來說，會唔會再光顧就係睇呢件小事。

最後換左個豬扒意粉，豬扒有肉汁，唔乾身，個肉面煎香左好好味，加上個茄汁唔太濃亦唔太希，酸甜味適中，配意粉啱晒。下次都可以再揀呢個餐。