同一班同事收工去食一品
呢間分店唔知點解冇咁多人等，
入到去仲有空位，Nice!
我地叫左個小辣既雞煲，
之前食過小辣同中辣，
發現小辣係比較入味，
而中辣就岩鐘意食辣既朋友啦。
個雞煲好足料的，
最正係好多雞塊都好大舊，
食落啖啖肉。
炸午餐肉當然係必食的，
佢個外皮煎到金黃色，
外脆內軟，
一上枱我同另一女同事已經偷食左。
魚皮餃、豬潤、芝士丸等都係必點，
我特別鐘意食雞煲時食埋魚皮餃，
個餃皮會吸哂d汁，好惹味！
蝦滑、墨魚滑都係必點，味道中規中矩啦。
但得一個匙更仔，有多個會更好呢。
點左隻貴既牛肉，味道果然對得住佢個價，
食落一d都唔覺肥，口感滑，肉質好嫩，
唔覺唔覺就食左兩碟。
