玖拾烘焙

貝果幾乎係每間cafe必備嘅產品，我甚至見過有代購由台灣運啲包過嚟，可想而知貝果喺香港係幾受歡迎👏🏻但我自己比較鍾意美國嗰款，超級煙韌甚至有啲人話係硬嘅口感，而喺香港出產嘅貝果好多都調整過😗不過見呢間烘焙店係由東京藍帶畢業嘅廚師主理，水準應該有保證，所以決定比個機會佢😆

1

一入去就見到成個木架擺滿10幾款貝果，真係令人非常興奮🤓喺網上見啲人話朱古力嘅都唔錯，所以揀咗朱古力草莓乳酪口味($29)🥯

朱古力草莓乳酪Bagel

$29

摸上手已經感覺到佢表皮嘅韌度，而且非常重手，證明”用水灼”嘅過程做得唔錯，咬落去亦都不負所望，係美國貝果先有嘅咬口🤩除咗麵團係朱古力味，內餡都有朱古力，而且係微甘，作為一個鍾意食90%朱古力嘅人，呢款貝果真係好啱我口味🥰另外仲包咗士多啤梨醬同忌廉芝士，豐富得嚟味道好夾，我絕對會返兜😋

埃及奶油

$13

另外見到有個叫埃及奶油嘅麵包($13)，睇落有啲似意大利香草包，但食落就係壓扁咗嘅豬仔包，再散咗啲砂糖喺面🤣好味係好味，不過以創意同獨特性嚟講，我會寧願買多幾個貝果😝