中秋節夜晚去同屋企人食呢間韓燒，因為唔想成日食中菜，所以特登揀咗今晚去食🤭估唔到中秋都full booking勁多人😎呢間係米芝蓮推介嘅韓國餐廳，所以一於去試吓💫每一碟份量其實都好大，所以超級飽幾個人都夠食🤩出面仲會有一啲免費試食佢哋自家製嘅醃泡菜同埋醃蘿蔔，但係有啲辣🤣
✨泡菜煎餅
先到個邊邊位非常脆，雖然入面係冇乜海鮮嘅，但係泡菜味都足夠。
✨韓式炆燉牛肋骨
啲牛肉超級腍同埋入味，見到呢個菜式係之前得過獎嘅，所以即刻嗌，估唔到好好味，而且好啱送飯食。
✨大蝦
都新鮮同埋大隻，所以燒完食之後都好彈牙。
✨濟州黑毛豬五花腩
燒香咗之後夾埋泡菜嚟食最好味。
✨鰻魚
鰻魚燒到好香脆加埋蒜頭同埋薑絲同埋紫蘇葉食，啱啱好平衡油膩感。
