我叫左個永年大碗麵清湯加左少少辣汁🩷🩷🩷🩷🩷佢真係好足料，同埋加咗佢個秘製辣汁真係辣得好惹味。有我最鍾意食既咖哩魷魚，魚蛋，紅腸，豬紅，蘿蔔，滷水雞翼尖同雞翼，仲有豬大腸。每款都炆到勁入味，個魷魚好爽脆彈牙，魚蛋食落有陣好香既陳皮魚蛋味，紅腸正常，豬紅 ，蘿蔔 ，啲滷水雞翼尖同雞翼都好入味，食落有點滷水汁加點甜味。正呀。我叫左米粉都好夠掛汁 。
另外，我叫左西冷牛扒配黑椒汁加意粉🩷🩷🩷🩷🩷無諗過下午時段都有呢啲扒餐食，因為晏晝食左好少野，所以下午茶諗住鋸下扒先。佢個扒好大塊份量又多，同埋咬落去好juicy好嫩滑，而且加埋佢個黑椒汁辣辣地好惹味。估唔到係車仔麵食扒質素都幾好😂
我仲加配左腐乳生菜，好清新加埋個腐乳味好食。同埋佢個南乳雞翼味都好正，醃得好夠味，咬落脆卜卜又多汁必叫。同埋佢個抹茶紅豆冰真係好好飲，我見好少餐廳有得飲叫黎試下，點知佢個抹茶味濃得黎又帶少少甜味，個紅豆好有咬口配搭得好好。依然保持到水準 ，屋企人都讚不絕口。
#香港永年車仔麵茶冰廳 #香港永年 #沙田新城市 #沙田 #沙田美食
#車仔麵 #鐵板餐 #鋸扒 #香港生活 #香港必吃
#香港探店 #香港打卡 #香港美食 #香港
