南越南咖啡廳

营业中

休息中

難得放下午，出開旺角行街去試左朋友介紹嘅呢間越南餐廳，見到呢間越南餐廳菜式好靚，環境又唔錯，款式又幾新穎，所以一試🤭🌟火龍茫茫蝦仁配脆蝦片🌟呢個前菜冷盤非常醒胃，蝦仁份量比較足，蝦肉爽脆彈牙，配埋粒粒火龍果、茫果新鮮水果，感覺好清新，底層蝦片非常脆口，整體口感好出👍🌟Shake shake 雞軟骨🌟Shake shake 雞軟骨，用紙袋上枱，方便自己shake 🤭🤭, 旁邊附有青檸檬同埋辣椒乾，可以自己調校辣味，雞軟骨炸到金黃鬆脆，雞軟骨有肉有軟骨，加左檸檬汁後，香脆又惹味😋😋🌟惹火上身鹹檸豬頸肉🌟豬面頰至下顎之間嘅豬頸肉，肥瘦混雜，肉質有韌性、鮮嫩，有炭燒嘅香氣，食落爽口又甘香豬肉味🤤🤤🌟差不多一尺蝦🌟呢個朋友冇介紹錯，超大隻，面頭鋪滿左又細又脆口嘅炸薯片絲，隻蝦好大隻，好新鮮，有好香嘅蝦膏, 底層鋪左蕃茄醬，層次感豐富🤤🤤🌟招牌金邊粉🌟簡直係牛魔王必選系列，有齊牛筋腩、牛尾牛、小排、牛丸，仲有油炸鬼伴碟，大大碗，樣樣新鮮嫩口，一次過滿足哂食肉獸嘅要求👍👍👍🌟斑斕龍眼茶 & 香茅青蘋果茶🌟斑斕龍眼茶香甜，香茅青蘋果比較清香