唔使 80 蚊 就有 炸鱈魚 + 牛柳頭扒，仲包埋 炸素魷魚圈同薯條，真心抵到爆，炸鱈魚外皮脆脆地，魚肉唔乾唔鞋，幾好食下，外面都唔太多見。而牛柳頭扒夠 juicy，啖啖肉唔韌，呢個價錢算好交到功課，配埋素魷魚圈都唔差，至小口感都有做到，另外薯條炸得啱啱好，乾身又夠脆，幾啱我口味。
另外我哋仲叫咗 A1 蒜茸牛仔骨煲，呢個都係OK！份量真係超大碗，有成 6–7 件牛仔骨，每塊都大大塊，望落已經覺得抵。牛仔骨入哂味，啖啖肉，而且啲肉質唔韌，帶少少油香食落更香口，幾開胃下～加$13 仲有飯同湯，一個人食真係超級夠飽又抵食！
整體嚟講，森森食堂真係 CP 值高，又平又飽又唔伏!
1
