去到興華廣場
見到有間食越南粉嘅餐廳
叫越北牛肉粉專門店
餐廳內好闊落又有空位
而且仲有下午茶menu
就入去試吓啦
51
✨越北火車頭🍜🐮
有生牛肉，牛展，牛肉丸
上菜時見到仲係鮮紅色嘅生牛肉🥩
好快就俾啲熱辣辣嘅湯淥熟
證明餐廳真係提供生牛肉
湯粉面頭有好多䓤🧅🥬
好睇之餘又好有青草味
啱晒鐘意食䓤嘅我
湯粉會伴隨一小碟辣椒🌶️
生牛肉有三大塊🥩
唔係全部都係肥膏
食落似係牛板腱
牛展有兩大塊🥩
而且每塊又大又厚
成隻手掌咁大
食落好淋👍🏻
牛丸咬落唔係普通牛丸
係有好重牛味嘅牛筋丸
湯底鮮甜，飲落唔會鹹
食完碗麵都唔會口渴😋
✨馬拉盞炒通菜🥬🔥 （+$22）
上菜就聞到炒得好香，仲好大碟
其他餐廳呢個價錢都冇呢份咁多
食落通菜好掛汁
菜唔苦亦冇渣
少少微辣感好惹味🌶️
✨凍越南濃咖啡☕️（+8）
要求少冰走甜，全部做足
成餐飯都聞到淡淡咖啡香
咖啡好大杯，飲完都一肚水
餐廳環境整潔企理
枱面同埋櫈都好乾淨
通風亦好充足💨💨
食碗熱辣辣嘅生牛肉湯麵都冇流過一滴汗
侍應態度親切有禮🥳
上菜都有提醒要小心熱
對客人要求亦有求必應
要求加辣椒粒時都冇黑面
餐廳連星期六日公眾假期都有下午茶餐供應🥳
而且全天候免加一
完全感受到餐廳做生意嘅誠意
而家假期有下午茶餐嘅餐廳，買少見少
