上海婆婆336 (iSQUARE國際廣場)

营业中

休息中

上海料理可以話係小編嘅Comfort Food之一，呢間主打傳統上海菜嘅人氣餐廳最近新推唔少菜式，店內環境闊落，空間感十足，座落舒適，適合帶一家大細嚟聚餐。冬天當然唔少得食枝竹羊腩煲，滋潤健脾，暖胃之選，上枱時咋咋聲，羊腩唔嚡，入口即化，湯底清甜可口，仲有枝竹同蘑菇搭配。蔥爆牛肉炒得夠鑊氣，牛肉厚切啖啖肉，調味適中唔會過鹹，蔥都入味，撈飯一流。私心推介黑松露牛油炒蛋，雖然唔係上海菜，但味道有驚喜，真材實料，好厚實，黑松露牛油香氣四溢，炒蛋嫩，外層微微脆。另有紅燒豆腐，外層煎至脆身，帶有咬口，內裏軟滑，整體性價比高，會Encore。