1
今日同朋友行街，見到呢間翡翠拉麵小籠包，聽講係米芝林必比登連續七年推介又開到周圍都係，一次都未食過就試下佢🤪環境中式雅致滿分，座位闊落，服務員勤力收拾清潔，服務同速度都滿分，體驗一流🤗
🥟蟹粉生煎包
招牌必點！皮薄汁多鮮肉餡，底下煎到脆卜卜，咬落湯汁爆出到對面枱都係😂熱辣辣肉香撲鼻帶薑蔥提鮮，每隻都係極品，滿足到飛起💥
🍲 紅燒獅子頭
獅子頭大大粒肥瘦均勻，燜到入口即溶，湯汁濃郁帶微甜，獅子頭吸晒醬汁鬆軟入味，經典江浙菜，一流！
🦀 蟹粉龍脷柳撈飯煲
龍脷柳厚身，最有驚喜係竟然外面少少脆勁有咬口，唔係煲到淋晒一舊。蟹粉蟹膏滿滿金黃撲鼻，撈埋飯一齊食每啖都係海鮮香，食到停唔到口
🦪 蟹粉帶子粉絲煲
帶子彈牙，蟹粉濃郁爆膏，粉絲吸晒湯汁勁入味，一滴蟹粉都無浪費！🫶
🥢 四喜烤麩
烤麩鬆軟似海綿，吸晒紅燒汁香甜入味，配木耳爽口，做得正宗！
🥤 薑茶湯圓
湯圓Q軟內餡黑芝麻，薑茶湯底微辣暖呼呼解寒，岩晒而家天氣轉涼，甜度自然收尾一絕！
