主題主打新加坡＋馬來西亞經典菜式，仲有好多大廚招牌菜，以下係我哋一致公認嘅必食清單：
熱食區
🌟 湯品雙天王：肉骨茶｜赤小豆粉葛煲排骨湯
真材實料煲足幾個鐘，濃郁暖胃，秋冬必飲！
🌟 海南雞飯
雞肉油潤嫩滑，配香噴噴油飯＋三色醬汁（青檸辣椒、薑蓉、黑醬油），完美還原新加坡風味！
🌟 香港仔有記湯麵吧（即叫即煮）
4款湯底任選：喇沙、越南牛肉湯、番茄海鮮湯、清雞湯，配搭 香港仔有記 直送的爽滑靚麵底，自選配料，勁豐富，超地道！
🌟 主廚海鮮重頭戲（每樣都想再返轉頭食）
星洲胡椒炒麵包蟹｜避風塘琵琶蝦｜參峇醬燒魔鬼魚｜芝士鹹蛋黃煮花螺 海鮮新鮮，調味惹味到停唔到口！
🌟 香脆小食：香煎蠔餅｜鹹蛋黃脆魚皮 蠔餅外脆內嫩，魚皮鹹香脆卜卜，超邪惡！
🌟 馬來沙嗲串（豬肉／雞肉）
烤得香口，沙嗲醬濃郁落口即化～
甜品區
🌟 榴槤控必試：榴槤鮮奶麻糬撻｜榴槤芝士脆金寶 榴槤味超濃但不會太甜膩，完美！
🌟 經典馬來甜品：馬來咖啡合桃露｜斑蘭鹹椰漿粟米糕｜彩虹千層糕 🌟 軟心朱古力蛋糕｜Tiramisu: 都好有水準！ 🌟 咖啡控私藏玩法～
✨✨Häagen-Dazs Chocolate Affogato✨✨
自己喺咖啡機沖杯 double espresso，再去雪櫃拎兩件 Häagen-Dazs 迷你朱古力雪糕杯浸落去，冰火兩重天，苦甜交織，超級正！
自助餐當然少不了冰鎮海鮮（法國麵包蟹、雪花蟹腳、翡翠螺等）、刺身壽司、沙律吧、芝士火腿區……真係食到撐到不行！
愛東南亞菜嘅朋友千祈唔好錯過！下次一定再返嚟掃一次～😍
