喇沙菜椰青水煮蜆
一定要讚吓呢度啲蜆係非常新鮮！隻隻都好鮮甜！湯底嘅椰青味好出，有少少似椰子雞湯，我都忍唔住就咁當湯飲咗幾大啖😝
煙三文魚米紙沙律🥗
有趣嘅嘅係同我哋平時食開嘅米紙卷唔同，佢將派米紙放喺成個沙律上面，夾住嚟食會俾咗沙律另外一款好特別嘅口感!
越南素春卷同唐揚雞塊🍗
春卷皮好薄，fillings好多，春卷同雞快到炸得啱啱好外脆內軟，非常正！
手撕雞萵筍牛油果椰菜沙律🥑
未試過萵筍當做沙律嘅配菜，原來口感幾爽，一試難忘！呢個沙律好清新，好似會喺泰國食到嘅美食咁😼
蒸廣島蠔配和風汁
廣島蠔配埋和風汁嘅香味，令到蠔味大大提升，真係別一番風味！
招牌藥膳麻油浸鮮雞
睇吓張相！開頭我同朋友仲以為係平時食開嗰啲小春雞，點知原來係非常足料嘅半隻雞！廚師將火候控制得啱啱好隻雞煮到啱啱熟，所以非常鮮嫩😉藥膳湯都有輕微嘅藥材味，感覺非常保啊！
斑蘭蜜糖厚多士配椰子雪糕🥥
厚多士外脆內軟，椰子雪糕有少少椰子絲喺入邊，冰火交融，為我哋呢一餐畫上完美嘅句號😆
