Nonsense

媽咪生日，佢一向好鍾意楊枝甘露糖水 ， 咁啱我follow咗呢間餐廳嘅IG, 見最近佢哋推出咗拿破崙系列(本身佢哋只係做開巴斯克流心Burnt Cheesecake)，仲要最特別嘅係佢新嘅款式係楊枝甘露拿破崙蛋糕, merge 左傳統糖水概念去拿破崙蛋糕, 暫時坊間好似未見過....都幾得意

睇到資料是強調用新鮮生果 , 芒果VS西柚都幾得意 , 一般嘅拿破崙蛋糕市場上都係用吉士CREAM，而且中間嘅夾層一般都好少會再有生果,  呢間餐廳(又係CAKE SHOP) 係幾大方, 唔單只Topping有好多新鮮生果, 連中間夾層都有新鮮生果, 呢個係好少有!

如果係土瓜灣餐廳及美孚分店，一日前預訂都可以, 而其他分店旺角&觀塘工場 , 都可以即日1小時至2小時前WhatsApp通知分店即時製作, 眾所周知拿破崙嘅酥皮要保持酥脆是不能過夜, 冇諗到$198 一個原個1.4磅4人份量的拿破崙蛋糕都可以有咁高嘅質素, 重料大方, 有晒拿破崙最重要嘅特點: 酥脆、牛油味重、又有新鮮生果， $198都真係冇咩好投訴。🥰