@大埔
.
經過餐廳門口見到大大張黑豚肉飯的Poster，被個座「豚肉山」吸引到。
.
泰皇單骨雞翼金邊粉 ($70) 配凍柚子蜜 (另加$5)
哩碗船麵勁大碗，仲要已經配上2件單骨雞翼，2件泰式春卷同埋雞軟骨，真係好夠飽。
船麵湯底好濃郁，香料味尤奇特出，仲有埋炸豬皮添。
鍾意單骨雞翼因為食落方便，單骨雞翼醃得入味，加埋香酥小食，食得好滿足。
.
汁燒黑豚腩肉飯 ($88)
同樣勁大碗，黑豚腩肉片好多片，連配菜的青木瓜條都勁多，砌到成座山咁。黑豚腩肉片配埋青木瓜食剛好，中和埋肉的油膩口感。
汁燒黑豚腩肉好香，肉質軟嫩多汁。個醬汁唔會太濃，配埋飯食剛好。
.
馬拉盞炒通菜 ($58)
夠晒鑊氣，通菜炒得爽口，唔會太油。同樣都係好大碟。
