2
今次叫咗兩款套餐，分別係蔥粒炙燒左口魚丼，同埋期間限定嘅熊本A4和牛肩胛壽喜燒套餐，每樣都各有特色，真心推薦！
🔥蔥粒炙燒左口魚邊丼
一上枱已經聞到炙燒香氣！左口魚油花均勻，微微炙燒過後魚油香更突出，入口即化！ 加上蔥粒同醬油漬，撈埋一齊食，口感豐富又唔會太膩。米飯用咗日本珍珠米，醋味輕輕帶出魚鮮，整體平衡得好好。旁邊跟咗麵豉湯同沙律，清清味蕾剛剛好。
🍲 期間限定：熊本A4和牛肩胛壽喜燒套餐
壽喜燒係呢度嘅招牌，果然名不虛傳！和牛肩胛肉雪花分明，油脂甘香，輕輕一灼就吸滿壽喜燒汁嘅甜香。牛肉入口軟嫩，肉味濃郁，配上日本雞蛋漿，更加滑溜，鍋底仲有烏冬，豆腐、香菇、金針菇同野菜，吸盡湯汁精華，好入味！
1
香茅鴨屎香檸檬茶
茶味醇厚帶花香，唔會澀口，香茅氣息突出，同檸檬嘅酸爽好夾，飲落好refresh！
📍總結
整體評分：4.5/5
會再encore！
