富園海鮮酒家

营业中

休息中

星期六十二點幾，打算同屋企兩老去飲茶，即興walk in呢間茶樓。本身服務員叫我們坐門口出面，我哋拒絕咗，但後尾等得太耐，最後都係妥協。呢個時候，一個【紅色馬尾，身穿黑色制服】嘅職員喺度發晦氣：你頭先又話唔坐，而家又坐，想點呀！我哋忍。之後坐低開茶，呢個人好大力掉咗10幾對筷子落檯面，全部散曬。我哋忍。之後我爸爸同佢講：唔該，我哋少咗一個碗呀佢答：等等先啦！我又幫你開茶又要幫你拎碗，做得邊樣呀！爸爸答：我話聲俾你聽啫，唔使咁勞氣佢話：我係咁大聲架啦！唔好意思，唔鐘意唔好食。嘩真係癡線，呢個人係老細定經理呀？？咁大官威。我知你地生意好唔憂做，不過好地地family day搞到大家咁唔開心，真係幾掃興。