GREEN

呢個午餐超值，環境舒適，坐位寬闊分隔，樓底高，所以唔覺得嘈。講到服務直情一流，比起一些5星級酒店有過之而無不及，雖然食物味道只是一般并非突出，但套餐價錢每位唔使$300蚊已經有頭盤，主菜，一杯餐酒，蛋糕一件及illy咖啡一杯，咁嘅價錢實屬物超所值。叫咗一份香燒草飼牛扒5成熟，送來發覺overdone, 經理二話不說立刻更換！另外員工送來咖啡亦非常小心依照拉花方向位置擺放，一絲不咎，小有的服務態度，抵讚。