有好朋友用心之選感覺窩心
一入門口就見到一個大水池邊養著好多好多蟹、有毛蟹、長腳蟹🦀
前菜：平時出邊嘅餐館唔會同你烤烤啲毛豆呢一間就會啦，好食好多㗎👍🏻
而蒸蛋就會加咗松葉蟹肉落去，令到質素提升當堂高級晒👍🏻
烤蟹膏：可能我哋掛住傾計（因為疫情關係好耐冇見所以份外多嘢講）令到啲食物凍咗少少所以就感覺一般，冇咩特別！
炸天婦羅松葉蟹拼盤：一嚟到已經覺得滿心歡喜，因為賣相都已經好靚，熱氣滿滿滲出出，炸醬剔透，果然一識落香脆而不肥膩，最出眾就係炸雞蛋黃，外皮香脆內裏雞蛋黃色紅潤有流黃，不二之選👍🏻
什菜鍋：湯底淡淡帶着一點點昆布香，味道清甜，不過不失，加咗烏冬煙韌有咬口！
整體成餐飯中上，侍應常常提住我哋這個汁應該用邊個餸，經常主動執枱清潔。
只係朋友揀咗跟白飯，侍應好似早咗一點上枱，在前菜之後就上枱啦，到我哋食火鍋嘅時候碗白飯已經凍哂
