去睇戲，未夠鐘所以戲院附近飲茶，去到廈大堂都奇怪見呢間冇咩人，但好多人排隊搭lift去另一間，但唔想等都入左呢間星月樓。
虎皮尖椒，竟然係得兩條，仲要唔大條，兩條剪開六舊咁食，勁簿身冇口應，又落左d燒汁醬唔係豉油，好難食。
帶子燒賣，應該叫帶子片，簿到好似杯麵料咁，食落冇味。
韭菜粿，叫得粿以為潮州白皮個隻，黎到點知係炸韭菜餃，炸到黑黑地，應該萬年油。
最後員工服務同態度都頂唔順，因夠鐘睇戲，諗住行出去埋單，但有個職員話唔駛出去幫我地埋，但等左勁15分鐘都冇人幫我地埋單，但眼見其他人個個出去自己埋單又即幫佢，整極都未輪到我張單，最後自己出去同佢講，有個老女人（經理或部長）勁唔好語氣話”唔好意思，$xxx”, 我未講完佢再講”唔好意思，$xxx”。
態度勁差，想係到擺酒既人三思。
以上食记乃用户个人意见 , 并不代表OpenRice之观点。
赞好
用餐途径
堂食
